Графік функцыі

Графікам функцыі ${\displaystyle \ f:X\to Y}$ называецца падмноства дэкартава здабытку ${\displaystyle \ X}$ на ${\displaystyle \ Y}$ (${\displaystyle G\subset X\times Y}$), якая змяшчае ўсе пары (x, y), для якіх f(x)=y.

Графік кубічнага паліному

Калі прасцей, то гэта малюнак, на якім можна ўбачыць як мяняецца значэнне Y у залежнасці ад значэння Х. Як правіла, значэнні X пазначаюць на гарызантальнай прамы, званай воссю абсцыс (x), а значэнне Y на перпендыкулярнай да яе прамой, званай воссю ардынат (y). Гэтыя восі разам ўтвараюць сістэму каардынат. Кожная вось мае кірунак, у якім значэнне адпаведнай каардынаты расце. У кропцы найбольшага значэння малююць стрэлку, якая паказвае гэты кірунак. На кожнай восі робяць адзнакі асобных (ключавых) значэнняў і падпісваюць іх гэтымі значэннямі. Гэта дазваляе прыблізна ацаніць іншыя прамежкавыя значэнні. Кропка з каардынатамі x=0 і y=0 называецца пачаткам каардынат.

Гл. таксама

Спасылкі

• Weisstein, Eric W. «Function Graph.» From MathWorld—A Wolfram Web Resource.
• Дынамічныя матэматычныя мадэлі(недаступная спасылка)