У Вікіпедыі ёсць артыкулы пра іншых людзей з прозвішчам Касцевіч Міхась Васілёк сапр Міхаіл Восіпавіч Касцевіч 14 лістап

Міхась Васілёк, сапр. Міхаіл Восіпавіч Касцевіч (14 лістапада 1905, в. Баброўня, цяпер Гродзенскі раён — 3 верасня 1960; Псеўданімы: Язэп Гром) — беларускі паэт.

Міхась Васілёк

Асабістыя звесткі
Імя пры нараджэнні	Міхаіл Восіпавіч Касцевіч
Псеўданімы	Міхась Васілёк, Язэп Гром
Дата нараджэння	14 лістапада 1905(1905-11-14)
Месца нараджэння	Баброўня, Гродзенскі павет, Гродзенская губерня, Літоўскае генерал-губернатарства, Расійская імперыя
Дата смерці	3 верасня 1960(1960-09-03) (54 гады)
Месца смерці	Гродна, Гродзенская вобласць, БССР, СССР
Пахаванне	Праваслаўныя могілкі ў Гродне
Грамадзянства	Польская Рэспубліка, СССР
Месца працы	Чырвоны сцяг^[d] Гродзенская праўда
Прафесійная дзейнасць
Род дзейнасці	паэт
Мова твораў	беларуская
Дэбют	першы зборнік лірыкі «Шум баравы» (Вільня, 1929) (канфіскаваны)
Грамадская дзейнасць
Партыя	Беларуская сялянска-работніцкая грамада
Член у	Таварыства беларускай школы Саюз пісьменнікаў СССР Саюз беларускіх пісьменнікаў
Медыяфайлы на Вікісховішчы

Удзельнікі акруговага з’езду Таварыства беларускай школы ў Гродне. Другі злева ў першым радзе паэт Міхась Васілёк, у цэнтры другога рада **Аляксандр Уласаў**, справа ад яго **Рыгор Шырма**. 1928

Біяграфія

Нарадзіўся ў сям’і лесніка, пляменнік Макара Касцевіча (Краўцова). Сярэднюю адукацыю атрымаў у 1921 у расійскім Казлове (Мічурынску), дзе разам з бацькамі быў у бежанстве. У 1922 вярнуўся на радзіму.

Уступіў у Беларускую сялянска-рабочую грамаду. Арганізоўваў гурткі Таварыства беларускай школы. За ўдзел у рэвалюцыйным руху польскія ўлады неаднаразова арыштоўвалі і саджалі ў турму. У 1939 быў мабілізаваны ў польскае войска, у час баёў трапіў у нямецкі палон. У жніўні 1941 уцёк з палону, дабраўся да родных мясцін і ўключыўся ў падпольную барацьбу. Кіраваў Скідальскім падпольным антыфашысцкім камітэтам, пад псеўданімам Язэп Гром выступаў у партызанскім друку.

Пасля вызвалення працаваў у скідальскай раённай газеце «Чырвоны сцяг» (1944—1946), пазней — у абласной газеце «Гродзенская праўда». Член Саюза пісьменнікаў СССР (з 1945).

Памёр у Гродне, пахаваны на праваслаўных гродзенскіх могілках.

Творчасць

У друку выступаў з 1926 года у віленскіх выданнях.

Першы зборнік лірыкі «Шум баравы» выйшаў у Вільні ў 1929 годзе. У 1937 годзе адміністрацыйная ўлада наклала на яго канфіскацыю. Рукапіс другога зборніка быў канфіскаваны дэфензівай і знішчаны (1934). У 1937 годзе ў Вільні выйшаў зборнік «З сялянскіх ніў».

У савецкі час выдадзены кнігі паэзіі «Выбраныя вершы» (1950), «Выбраныя творы» (1955), «Зоры над Нёманам» (1963), «Вершы» (1973).

Ушанаванне памяці

У Горадні імем паэта названа вуліца, на якой стаяў дом паэта.

Зноскі

Василёк Михась // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 103. — 737 с.
Chryścijanskaja Dumka, № 5, 5.3.1937.

Літаратура

Васілёк Міхась // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
Міхась Васілёк // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

Спасылкі

На Вікісховішчы ёсць медыяфайлы па тэме Міхась Васілёк
Віктар Ладзіч. Паэт небяспечны кожнаму рэжыму //www.euramost.org
Вячаслаў Кот. Вуліца Васілька ў Гродна раней называлася Пясочная// «Гродзенская праўда», 16.04.09 Архівавана 22 сакавіка 2016.

[БС-1] Василёк Михась // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 103. — 737 с.

[2] Chryścijanskaja Dumka, № 5, 5.3.1937.