Сцяг Манголіі

У гэтай старонкі няма правераных версій, хутчэй за ўсё, яе якасць не ацэньвалася на адпаведнасць стандартам.

Сучасны сцяг Манголіі прыняты 12 лютага 1992 года.

Сцяг Манголіі

Апісанне сцяга

Тры аднолькавыя вертыкальныя паласы чырвонага, сіняга і чырвонага колеру. У цэнтры чырвонай паласы, якая прымыкае да дрэўка, намаляваны дзяржаўны сімвал «Саембо» жоўтага колеру. Блакітны колер сцяга Манголіі — колер бясхмарнага неба краіны. Чырвоны — колер агню, полымя вогнішчаў у стэпе, які нагадвае аб перамозе нацыянальна-вызваленчай рэвалюцыі ў 1921 годзе. На чырвонай паласе ля дрэўка размешчаная залатая ідэограма, у верхняй частцы якой знаходзіцца знак «саембо» — сонца, месяц і адмысловы знак «анусвара» — кропка, з якой, згодна з будыйскімі вучэннямі, пачаў сваё развіццё сусвет. Тры языкі полымя, што завяршаюць «анусвару», увасабляюць мінулае, сучаснасць і будучыню.