Шампань Ардэны фр Champagne Ardenne рэгіён на паўночным усходзе Францыі Галоўны горад Шалон ан Шампань Насельніцтва 1 34

Шампань — Ардэны (фр.: Champagne-Ardenne) — рэгіён на паўночным усходзе Францыі. Галоўны горад Шалон-ан-Шампань. Насельніцтва 1,342 млн чалавек (18-е месца сярод рэгіёнаў).

Шампань-Ардэны

фр.: Champagne-Ardenne


Герб	Сцяг

Краіна

Францыя

Уваходзіць у

Францыя
Метраполія Францыі

Адміністрацыйны цэнтр

Шалон-ан-Шампань

Дата ўтварэння

4 чэрвеня 1960

Дата скасавання

31 снежня 2015

Насельніцтва (2004)

1,342 млн

Шчыльнасць

938 чал./км²

Плошча

25 606 км²

Часавы пояс

UTC+1 і UTC+2

Код ISO 3166-2

FR-G

Афіцыйны сайт

Медыяфайлы на Вікісховішчы

Геаграфія

Плошча тэрыторыі 25 606 км². Рэгіён уключае дэпартаменты Аб, Ардэны, Марна Верхняя і Марна. Буйнейшы горад — Рэймс.

Большая частка тэрыторыі — хвалістая раўніна. На паўночным усходзе — адгор'і Ардэнаў, на захадзе — куэста Іль-дэ-Франс. Галоўная рака Сена з прытокам Марна злучаны каналамі з рэкамі басейна Рэйна і Соны.

Гаспадарка індустрыяльна-аграрнага тыпу. Развіваецца машынабудаванне і металаапрацоўка, лёгкая, харчовая прамысловасць (у т.л. вытворчасць шампанскіх він). Вырошчваюць пераважна збожжавыя (пшаніца, ячмень, кукуруза) культуры. Вінаградарства вядзецца (на схілах куэсты Іль-дэ-Франс). Развітая жывёлагадоўля.

Гісторыя

У пісьмовых крыніцах тэрмін «Шампань» упершыню сустракаецца як назва графства, створанага ў 2-й пал. IX—X ст. пасля аб'яднання графстваў Труа і Мо. Буйнымі гарадамі Шампані былі Труа (адміністрацыйны цэнтр) і Рэймс (месца каранацыі французскіх каралёў). У правінцыі развіваліся авечкагадоўля, з XIV ст. — вінаробства (у канцы XVII ст. тут упершыню арганізавана вытворчассць пеністых він). Вялікую ролю ў заходнееўрапейскім гандлі XII—XIII ст. адыгрывалі кірмашы, якія перамяшчаліся з аднаго горада ў другі (Ланьі, Бар-сюр-Об, Правен, Труа) і дзейнічалі ў Шампані амаль круглы год. У 1284 (канчаткова ў 1361) Шампань далучана да каралеўскага дамена. У час Стагадовай вайны (1337—1453) — месца галоўных ваенных дзеянняў, што падарвала эканамічнае значэнне яе кірмашоў. У 1358 на частку тэрыторыі Шампані пашырылася сялянскае паўстанне Жакерыя. Пасля падзелу ў 1790 тэрыторыі Францыі на дэпартаменты правінцыя Шампань скасавана.

Літаратура

Шампань // БЭ ў 18 т. Т. 17. Мн., 2003.

Спасылкі

Champagne-Ardenne даведнік на сайце Wikivoyage

[1] Архівавана 15 сакавіка 2017.
Site du conseil regional Champagne-Ardenne Архівавана 12 лютага 2006.
Tourisme Champagne-Ardenne
Parc naturel regional de la Foret d’Orient

décret n° 60-516 du 2 juin 1960 portant harmonisation des circonscriptions administratives // Journal officiel de la République française — 1960. — ISSN 0242-6773
<a href="https://wikidata.org/wiki/Track:Q124947228"></a><a href="https://wikidata.org/wiki/Track:Q1815103"></a>

[_4adcca2a58eaa2a7-1] écret n° 60-516 du 2 juin 1960 portant harmonisation des circonscriptions administratives // Journal officiel de la République française — 1960. — ISSN 0242-6773
<a href="https://wikidata.org/wiki/Track:Q124947228"></a><a href="https://wikidata.org/wiki/Track:Q1815103"></a>