Омская вобласць

Омская вобласць — суб'ект Расійскай Федэрацыі, які размешчаны на паўднёвым захадзе Заходняй Сібіры. Адміністрацыйны цэнтр — Омск. Створана 7 снежня 1934 года, сучасныя межы набыла ў 1943 годзе.

Омская вобласць
Герб^[d] Сцяг
Краіна	Расія
Уваходзіць у	Расія (1991—?)
Адміністрацыйны цэнтр	Омск
Дата ўтварэння	7 снежня 1934
Кіраўнік	Aleksandr Burkov^[d]
Насельніцтва	▼1 805 806 чал. (1 студзеня 2025)
Плошча	139 700 км²
Часавы пояс	OMST і Asia/Omsk^[d]
Код ISO 3166-2	RU-OMS
Код аўтам. нумароў	55
Афіцыйны сайт (руск.)
Медыяфайлы на Вікісховішчы

Агульная колькасць насельніцтва — 2046.6 тыс.чал. (2005). Шчыльнасць насельніцтва: 14,6 чал./км² (2005), удзельная вага гарадскога насельніцтва: 69,0 % (2005). Прыкладна палова насельніцтва вобласці, 1,1 млн чал., жыве ў адміністрацыйным цэнтры г. Омск, на поўдні вобласці. Бо́льшая частка астатняга насельніцтва жыве ўздоўж галоўных транспартных восяў: транссібірскай чыгуначнай магістралі, якая перасякае вобласць з захаду на ўсход, і ракі Іртыш, якая цячэ з поўдня на поўнач. Гэты «транспартны крыж» намаляваны на гербе вобласці.

Омская вобласць мяжуе з Казахстанам на поўдні, з Цюменскай вобласцю на захадзе і поўначы, Новасібірскай і Томскай абласцямі на ўсходзе.

Тэрыторыя вобласці распасціраецца на 600 км з поўдня на поўнач і на 300 км з захада на ўсход. Галоўная водная артэрыя — Іртыш і яе прытокі Ішым, Ом, Оша, Тара. Возера Эбейты. Вобласць размешчана на Заходне-Сібірскай раўніне, што абумоўлівае плоскі рэльеф. На поўдні — стэпы, паступова пераходзячыя ў лесастэпы, лес і балоцістую тайгу на поўначы. Глебы пясчаныя, глеістыя. Уздоўж Іртыша, у г. зв. , назіраецца «аазісны» мікраклімат, з больш лясістым і яравым ландшафтам. Тут жа самыя ўрадлівыя землі рэгіёна.

Клімат рэзка кантынентальны: зіма халодная, сонечная і снежная, лета спякотнае, сухое. Сярэдняя тэмпература студзеня −19 °C, ліпеня +19 °C, з тыповымі адхіленнямі да −35 °C і +35 °C, адпаведна. Ападкаў 300−400 мм у год.

Насельніцтва 2046,6 тыс. чалавек (2005), з якіх у гарадах пражываюць 69,0 %. Нацыянальны склад: рускія (83,5 %), казахі (3,9 %), украінцы (3,7 %), немцы (3,7 %) і татары (2,3 %).

Падзяляецца на 32 раёна. Буйнейшы горад: Омск.

Буйныя гарады

• Омск
• Тара
• Ісількуль
• Калачынск
• Называеўск
• Цюкалінск

Гл. таксама

• Міхаіл Аляксандравіч Ульянаў
• Дзяніс Рыгоравіч Булахаў

Вядомыя асобы

• Генадзь Андрэевіч Забоеў (1922—2012) — Заслужаны ўрач БССР.
• Анатоль Іларыёнавіч Гардзіенка (1941—2021) — беларускі вучоны ў галіне тэхналогіі матэрыялаў.

Зноскі

1. АКТМУ Праверана 13 сакавіка 2015.
   <a href="https://wikidata.org/wiki/Track:Q4330203"></a>
2. https://data.iana.org/time-zones/tzdb-2021e/europe
3. Оценка численности постоянного населения на 1 января 2025 г. и в среднем за 2024 г. и компоненты её изменения — Росстат, 2025.
   <a href="https://wikidata.org/wiki/Track:Q2624680"></a><a href="https://wikidata.org/wiki/Track:Q133366769"></a>

Спасылкі

• Афіцыйны сайт Архівавана 4 лютага 2005.