Тау лептон ад грэчаскай літары грэч τ тау якая выкарыстоўваецца для абазначэння таон нестабільная элементарная часціца з

Тау-лептон (ад грэчаскай літары грэч. τ — тау, якая выкарыстоўваецца для абазначэння), таон — нестабільная элементарная часціца з адмоўным электрычным зарадам і спінам ½. У Стандартнай Мадэлі фізікі элементарных часціц класіфікуецца як частка лептонаў сямейства ферміёнаў (разам з электронам, мюонам і нейтрына). Як і ўсе фундаментальныя часціцы, тау-лептон мае антычасціцу з зарадам процілеглага знака, але з такой жа масай і такім жа спінам: антытау-лептон (антытаон). Разам з ім, а таксама тау-нейтрына і антынейтрына, тау-лептон складае трэцяе пакаленне лептонаў.

квантавыя лікі
сімвал	$\tau ^{-}$
маса	1,77682(16) ГэВ
антычасціца	$\tau ^{+}$
лік відаў	1
статыстыка	ферміён
група	лептон
пакаленне	3
узаемадзеянне	электрамагнітнае, слабае, гравітацыйнае
электрычны зарад	-1
спін	½
каляровы зарад	адсутнічае
лік спінавых станаў	2
Іншыя ўласцівасці і звесткі
	2,9×10⁻¹³с
каналы распаду	$\tau ^{-}\rightarrow \mu ^{-}+{\bar {\nu }}_{\mu }+\nu _{\tau }\qquad$ (17,4 %) $\tau ^{-}\rightarrow e^{-}+{\bar {\nu }}_{e}+\nu _{\tau }\qquad$ (17,8 %) адроны (> 50 %)
састаў часціцы	элементарная часціца
адкрыта	1975

Тау-лептон быў адкрыты ў 1975 годзе на электрон-пазітронным калайдары SPEAR ў Нацыянальнай паскаральнай лабараторыі SLAC (Стэнфард, ЗША) М. Перлам і супрацоўнікамі. Тау-лептоны ўтвараліся ў выніку рэакцыі

e^{+}e^{-}\to \tau ^{+}\tau ^{-}.

За адкрыццё гэтай часціцы Марцін Перл атрымаў Нобелеўскую прэмію па фізіцы за 1995 .

Маса τ-лептона 1778,8 МэВ. Час жыцця 2,9×10⁻¹³ с.

Распады

**Дыаграма Фейнмана** асноўных распадаў τ-лептона

Тау-лептон з'яўляецца адзіным лептонам, які можа распадацца на адроны, бо астатнія лептоны вельмі лёгкія для гэтага.

Асноўныя каналы распаду $\tau ^{-}$ -лептона:

$\tau ^{-}\rightarrow \mu ^{-}+{\bar {\nu }}_{\mu }+\nu _{\tau }\qquad$ (17,4 %)
$\tau ^{-}\rightarrow e^{-}+{\bar {\nu }}_{e}+\nu _{\tau }\qquad$ (17,8 %)
адроны (> 50 %)

Зноскі

http://physics.nist.gov/cuu/Constants/Table/allascii.txt Fundamental Physical Constants --- Complete Listing
M. L. Perl et al, «Evidence for Anomalous Lepton Production in e±e- Annihilation» Phys. Rev. Lett., 35, 1489 (1975)

[1] ttp://physics.nist.gov/cuu/Constants/Table/allascii.txt Fundamental Physical Constants --- Complete Listing

[2] M. L. Perl et al, «Evidence for Anomalous Lepton Production in e±e- Annihilation» Phys. Rev. Lett., 35, 1489 (1975)