Гецал Чорны

У Вікіпедыі ёсць артыкулы пра іншых людзей з прозвішчам Чорны.

Гецал Чорны (1875, Мір — 1910 ці 1911, Берлін) — яўрэйскі мастак, пісьменнік, драматург.

Гецал Чорны
Дата нараджэння	1875
Месца нараджэння	Мір, Навагрудскі павет, Мінская губерня, Расійская імперыя
Дата смерці	1910 ці 1911
Месца смерці	Берлін, Каралеўства Прусія, Германская імперыя

Біяграфія

Нарадзіўся ў Міры ў асвечанай, але беднай сям’і. Вельмі рана адкрыўся яго талент мастака. Аднойчы яго малюнкі пабачыў князь Святаполк-Мірскі і дапамог пераехаць у Вільню вучыцца рысаванню. Далей вучыўся ў Адэсе Вене, Мюнхене, яго настаўнік — нямецкі мастак Франц фон Штук. Потым жыў у Варшаве, ілюстраваў кнігі, галоўным чынам на іўрыце. Пісаў апавяданні на ідышы. Друкаваўся ў газетах «Тог» (выдавец ), «Юд» і інш. Аўтар камедыі «Пасля забастоўкі» (1907). Памёр у Берліне пасля цяжкай двухгадовай хваробы. Пасмяротна выйшаў збор апавяданняў.

Кнігі выдаваліся ў Варшаве.

• Нохн штрайк (1907, Фэрлагс-бюро)
• Шрыфтн (1912, Біхер фар але)

Літаратура

• G. TSHORNI (TSHERNA, CHERNYI) // Слоўнік яўрэйскай літаратуры
• G. Chorny // Слоўнік Зільберцвайга. Том 2. Ст. 897