Віхра

Віхра́ — рака ў Смаленскай вобласці Расіі і Магілёўскай вобласці Беларусі, правы прыток Сожа.

Віхра
Характарыстыка
Даўжыня	158 км
Басейн	2 230 км²
Расход вады	14,5 м³/с (у вусці)
Вадацёк
Выток
• Месцазнаходжанне	Смаленскі раён
• Каардынаты	54°39′54,50″ пн. ш. 31°46′21,10″ у. д.^HGЯO
Вусце	Сож
• Каардынаты	54°00′40,80″ пн. ш. 31°51′35″ у. д.^HGЯO
Ухіл ракі	0,4 м/км
Размяшчэнне
Водная сістэма	Сож → Дняпро → Чорнае мора
Краіны	Расія  Беларусь
Рэгіёны	Смаленская вобласць, Магілёўская вобласць
Раёны	Смаленскі раён, Краснінскі раён, Манастыршчынскі раён, Мсціслаўскі раён
Код у	04010000412199000000010
выток вусце
Медыяфайлы на Вікісховішчы

Апісанне

Даўжыня ракі 158 км, у т.л. па Беларусі 40 км. Вадазбор 2230 км², у т.л. на Беларусі 360 км². Сярэднегадавы расход вады ў вусці 14,5 м³/с. Сярэдні нахіл воднай паверхні 0,4 ‰.

Пачынаецца за 1,5 км на паўночны захад ад вёскі Лоева Смаленскага раёна Смаленскай вобласці, далей цячэ на поўдзень па тэрыторыі Краснінскага, Манастыршчынскага і Мсціслаўскага раёнаў, упадае ў Сож за 1,5 км на паўднёвы ўсход ад вёскі Новыя Віхраны. У межах Беларусі цячэ па Горацка-Мсціслаўскай раўніне. Даліна ў вярхоўі невыразная, ніжэй трапецападобная, шырынёй 1,5—2 км. Пойма двухбаковая, шырыня яе 0,4—0,6 км. Рэчышча звілістае, шырыня ракі ў межань 15—20 м. Каналізавана 9,9 км рэчышча ў ніжнім цячэнні. Берагі стромкія, часта абрывістыя.

Асноўныя прытокі: , , , , Чорная, (правыя); , , , (левыя). На рацэ горад Мсціслаў, гарадскі пасёлак Манастыршчына, пабудавана Віхранская ГЭС.

Зноскі

Літаратура

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
• Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.