Паводка

Паво́дка — фаза воднага рэжыму ракі — адносна кароткачасовае (ад дзясяткаў хвілін да некалькіх сутак) і неперыядычнае падняцце ўзроўню вады ў выніку быстрага раставання снегу, ледавікоў, ці моцных дажджоў. Такое падняцце, калі яно больш значнае за звычайныя значэнні, можа выклікаць паводку ў шырокім сэнсе гэтага паняцця (навадненне).

Паводка (1) у Бійску, вызваная анамальна працяглымі дажджамі (больш за 72 гадзіны), 2006 год

Паводка (2) у Ніжагародской вобласці (рака Савец)

На марскіх узбярэжжах і астравах паводкі могуць паўстаць у выніку затаплення прыбярэжнай паласы хваляй, якая ўтвараецца пры землетрасеннях або вывяржэнні вулканаў у акіяне. Падобныя паводкі нярэдкія на берагах Японіі і на іншых астравах Ціхага акіяна, менавіта такі тып паводкі назіраўся ў Японіі ў 2011 годзе, які быў выкліканы моцным землетрасеннеам ля берагоў краіны. Паводкі могуць быць абумоўлены прарывамі плацін і загараджальных дамб.

Паводкі здараюцца на многіх рэках Заходняй Еўропы, як то Дунай, Сена, Рона, По і іншых, а таксама на рэках Янцзы і Хуанхэ ў Кітаі, Місісіпі і Агая ў ЗША. У СССР вялікія паводкі назіраліся на Дняпры ў 1931 годзе і Волзе ў 1908 і 1926 гадах. У Беларусі часам здараецца выхад з берагоў Прыпяці і Нёмана.

Гл. таксама

• Крыгаход
• Навадненне

Зноскі

1. Беларусь 1995.

Літаратура

• Паво́дка // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 546—547. — 800 с. — 5 000 экз. — ISBN 985-11-0026-9.

Спасылкі

• На Вікісховішчы ёсць медыяфайлы па тэме Паводка
• База даных па найбуйнейшых паводках (на англійскай мове) Архівавана 11 мая 2008.
• American Water Resources Association Архівавана 24 сакавіка 2018.
• DeltaWorks. Праекты заграджальных дамбаў і бар’ераў у Нідэрландах