Прэзідэнт ЗША кіраўнік дзяржавы ЗША кіраўнік выканаўчай улады Федэральнага ўрада ЗША і галоўнакамандуючы Арміі і Флота п

Прэзідэнт ЗША — кіраўнік дзяржавы ЗША, кіраўнік выканаўчай улады (Федэральнага ўрада ЗША і галоўнакамандуючы Арміі і Флота па Канстытуцыі ЗША). Мае права вета на законапраекты (білі), прынятыя Кангрэсам ЗША. Пасада ўведзена Канстытуцыяй ЗША, прынятай ў 1787 годзе. Першым прэзідэнтам ЗША стаў у 1789 годзе Джордж Вашынгтон. Да яго ўступлення ў пасаду вярхоўным кіраўніком канфедэрацыі штатаў, якія падпісалі Дэкларацыю аб незалежнасці, быў Прэзідэнт Кантынентальнага кангрэса.

Прэзідэнт ЗША
англ.: President of the United States ісп.: presidente de los Estados Unidos


Узначальвае	ЗША
Форма звароту	Спадар Прэзідэнт^[d], The Honourable^[d] і Яго Эксцэленцыя
Афіцыйная рэзідэнцыя	Белы дом
Прызначаецца	Калегія выбаршчыкаў і Палата Прадстаўнікоў ЗША
Тэрмін паўнамоцтваў	4 год^[…]
Пасада з’явілася	30 красавіка 1787
Першы на пасадзе	Джордж Вашынгтон
whitehouse.gov/ad… (англ.) whitehouse.gov/es… (ісп.)

Дзеючы прэзідэнт ЗША — Дональд Трамп. Афіцыйна 47-ы прэзідэнт ЗША ўступіў у пасаду 20 студзеня 2025 года.

Патрабаванні да кандыдатаў

Стаць Прэзідэнтам ЗША па Канстытуцыі ЗША можа толькі грамадзянін ЗША па нараджэнні (альбо той, хто стаў грамадзянінам ЗША пры зацвярджэнні Канстытуцыі), старэйшы за 35 гадоў і, які пражывае ў ЗША не менш за 14 гадоў. Самым пажылым прэзідэнтам на момант абрання быў Джо Байдэн, абраны ў ўзросце 78 гадоў. Самым маладым быў Тэадор Рузвельт, абраны ва ўзросце 42 гадоў і 10 месяцаў.

Згодна з 22-й папраўкай да Канстытуцыі, прынятай у 1951 годзе, адна і тая ж асоба можа быць абрана прэзідэнтам ЗША не больш за два разы (усё роўна, запар ці з перапынкам). Акрамя таго, калі нейкая асоба пасля смерці або адстаўкі абранага прэзідэнта займала прэзідэнцкую пасаду (з пасады віцэ-прэзідэнта ці інакш) на працягу 2 гадоў і больш, то гэта асоба ў далейшым можа быць абрана Прэзідэнтам не больш за 1 раз. Фактычна прэзідэнты і раней амаль усе выконвалі гэта няпісанае правіла, прытрымліваючыся прыкладу Джорджа Вашынгтона, які прабыў на пасадзе толькі два тэрміны. Аднак у 1940 годзе Франклін Д. Рузвельт быў абраны на трэці тэрмін, а ў 1944 — і на чацвёрты (памёр у 1945). Пасля гэтага, не прымяншаючы заслуг Рузвельта і надзвычайных умоў, у якіх ён пераабіраўся (Другая сусветная вайна), было вырашана заканадаўча абмежаваць колькасць магчымых перавыбранняў, каб гэты выпадак не стаў прэцэдэнтам для ўстанаўлення дыктатуры. 22-я папраўка не мела зваротнай сілы і не распаўсюджвалася на дзейснага на той момант прэзідэнта Гары Трумэна, ён адбыў амаль цалкам тэрмін Рузвельта пасля яго смерці плюс свой уласны, але Трумэн сам не пажадаў зноў балатавацца ў 1952.

Толькі два прэзідэнты, Гровер Кліўленд і Дональд Трамп, займалі пасаду два тэрміны з перапынкам.

У многіх краінах з рэспубліканскім праўленнем патрабаванні да кандыдатаў у Прэзідэнты бяруцца аналагічныя патрабаванням у ЗША, напрыклад, узроставы цэнз.

Гл. таксама

Спіс прэзідэнтаў ЗША

Зноскі

https://www.whitehouse.gov/about-the-white-house/our-government/the-executive-branch/ Праверана 9 сакавіка 2022.
Levy M., McDonald F. presidency of the United States of America // Encyclopædia Britannica Праверана 9 сакавіка 2022.
<a href="https://wikidata.org/wiki/Track:Q5375741"></a>
USA.gov Праверана 9 сакавіка 2022.
<a href="https://wikidata.org/wiki/Track:Q7865719"></a>

Спасылкі

На Вікісховішчы ёсць медыяфайлы па тэме Прэзідэнт ЗША
whitehouse.gov/ad… (англ.)
whitehouse.gov/es… (ісп.) — афіцыйны сайт

[_1867cf048d0d2974-1] ttps://www.whitehouse.gov/about-the-white-house/our-government/the-executive-branch/ Праверана 9 сакавіка 2022.

[_77ea7d94dcf91e10-2] Levy M., McDonald F. presidency of the United States of America // Encyclopædia Britannica Праверана 9 сакавіка 2022.
<a href="https://wikidata.org/wiki/Track:Q5375741"></a>

[_4f64d4c1c9915a04-3] USA.gov Праверана 9 сакавіка 2022.
<a href="https://wikidata.org/wiki/Track:Q7865719"></a>