Многавугольнік

Многавугольнік — замкнёная ламаная лінія. Звёны ламанай лініі называюцца старанамі, а іх канцы — вяршынямі многавугольніка. Прыклады многавугольнікаў — трохвугольнік, прамавугольнік, ромб.

Прыклады многавугольнікаў

Віды многавугольнікаў

• Многавугольнік называецца накіраваным, калі зададзены напрамак яго абходу (на кожнай старане пазначаны яе пачатак і канец, пры гэтым пачатак кожнай з іх супадае з канцом папярэдняй).
• Многавугольнік называецца плоскім, калі ўсе яго вяршыні ляжаць на адной плоскасці. Плоскія многавугольнікі бываюць саманеперасякальныя (кожная старана і вяршыня іх не маюць пунктаў, якія належаць да іншых старон і вяршынь) і самаперасякальныя.

Сума ўнутраных вуглоў любога саманеперасякальнага многавугольніка з ${\displaystyle n}$ старанамі роўная ${\displaystyle (n-2)\pi }$.

Саманеперасякальны плоскі многавугольнік падзяляе пункты плоскасці, якой ён належыць, на ўнутраную і знешнюю часткі.

Плоскія многавугольнікі бываюць выпуклыя (любы адрэзак з канцамі цалкам належаць унутранай вобласці многавугольніка) і нявыпуклыя. Выпуклы многавугольнік называецца правільным, калі ўсе яго стораны і ўнутраныя вуглы роўныя (напрыклад, квадрат).

Літаратура

• Многавуго́льнік // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 501. — 10 000 экз. — ISBN 985-11-0035-8. — ISBN 985-11-0169-9 (т. 10).

Лагатып Вікіслоўнікі

У Вікіслоўніку ёсць артыкул «Шматвугольнік»