Чучхэ

Камунізм Канцэпцыя Класавая барацьба Інтэрнацыяналізм Камуністычная партыя Ідэалогіі Марксізм Марксізм-ленінізм Трацкізм Сталінізм Цітаізм Мааізм Сталінізм-хаджаізм Чучхэ Геварызм Левы камунізм Камунізм рабочых саветаў Анарха-камунізм Рэлігійны камунізм Еўракамунізм Нацыянальны камунізм Інтэрнацыяналы Міжнароднае таварыства працоўных Другі Інтэрнацыянал Камуністычны інтэрнацыянал Чацвёрты Інтэрнацыянал Асобы Карл Маркс Фрыдрых Энгельс Уладзімір Ленін Роза Люксембург Іосіф Сталін Леў Троцкі Маа Цзэдун Іншае Анархізм Антыкапіталізм Антыкамунізм Камуністычныя краіны Камуністычная сімволіка Дэмакратычны цэнтралізм Дыктатура пралетарыяту Левыя Новыя левыя Сацыялізм Сталінізм Цітаізм СССР

Чучхэ (кар.: 주체) — паўночнакарэйская ідэалогія, абвешчаная ў 1955 годзе Кім Ір Сенам.

Манумент ідэй Чучхэ ў цэнтры Пхеньяна

У КНДР чучхэ як афіцыйная ідэалогія лічыцца гарманічнай трансфармацыяй ідэй марксізму-ленінізму на аснове старажытнакарэйскай філасофскай думкі. Упершыню пасля вызвалення Радзімы, тэрмін «чучхэ» прагучаў у прамове Кім Ір Сена "Аб выкараненні дагматызму і фармалізму ў ідэалагічнай працы і аб усталяванні чучхэ» (кар.: 사상사업에서 교조주의와 형식주의를 퇴치하고 주체를 확립할 데 대하여), зробленай 28 снежня 1955 года.

Згодна з Канстытуцыяй 1972 года, КНДР — суверэнная сацыялістычная дзяржава, якая ў сваёй дзейнасці кіруецца ідэямі «чучхэ». У адпаведнасці з гэтымі ідэямі ўсе пытанні ўнутранага жыцця павінны вырашацца з пазіцый самастойнасці, з апорай на ўласныя сілы.

Паводле афіцыйнага пункту гледжання гісторыкаў КНДР, доўгі час лічылася, што ідэі чучхэ абвясціў Кім Ір Сен ў 1930 годзе ў вёсцы Калунь (Кітай), аднак у цяперашні час лічыцца, што ідэі чучхэ пачалі фармавацца з моманту ўтварэння «Саюза звяржэння імперыялізму» (17 кастрычніка 1926 года).

У 1980-я гады Кім Ір Сен выпусціў шэраг артыкулаў пра ідэі чучхэ, канчаткова сфармаваў яе як філасофскую сістэму. Аднак асноўнага тэксту, які расказваў бы сутнасць вучэння чучхэ, няма. Хоць тэрмін пастаянна сустракаецца ў працах Кім Ір Сена, праца пад назвай «Аб ідэях чучхэ» была напісана Кім Чэн Ірам і нагадвае хутчэй кароткі курс асноўных пастулатаў, а не сур'ёзную тэарэтычную працу.

З 8 ліпеня 1997 года ў Паўночнай Карэі прынята новае «летазлічэнне чучхэ», пачаткам якога з'яўляецца 1912 - год нараджэння Кім Ір Сена.

Гл. таксама

• Аўтаркія
• Джамахірыя

Зноскі

1. Сацыялістычная Канстытуцыя КНДР. Ст. 3 // Сацыялістычная Канстытуцыя КНДР. — Пхеньян : Инъязиздат, 2014. — С. 4. — 34 с.