Яблычны пірог

Яблычны пірог — адна з самых распаўсюджаных разнавіднасцяў пірага, для начыння якога выкарыстоўваюцца яблыкі. Паколькі яблыкі з’яўляюцца адным з самых даступных відаў садавіны ўмеранай паласы, яблычны пірог з’яўляецца адной з асноўных дэсертных страў кулінарыі розных еўрапейскіх народаў. У Сярэднявеччы пячы яблычныя пірагі (ці ж піражкі) пачыналі звычайна пасля паспявання яблыкаў, то ёсць да восені, яблычны пірог меў ўстойлівую асацыяцыю са святам ўраджаю і хуткім надыходам восені. Цяпер з-за шырокай даступнасці яблыкаў і наяўнасці разнастайных спосабаў іх захоўвання, яблычны пірог можна гатаваць круглы год, у тым ліку і ў рэгіёнах дзе яблыкаў ніколі не было (але куды яблыні былі завезеныя ўжо ў новы час — Паўночная і Паўднёвая Амерыка). Існуе шмат разнавіднасцяў яблычнага пірага. Для гатавання можна выкарыстоўваць некалькі відаў цеста: дражджавое, пясочнае, пластовае, валакавое. Таму ў інгрэдыенты абавязкова ўваходзяць яйкі, масла і мука. Самыя далікатныя і пышныя яблычныя пірагі звычайна атрымліваюцца з дражджавога тэсту. Пры гэтым яблычны пірог можа быць адкрытым, напаўадкрытым і закрытым. Адзін з самых простых рэцэптаў яблычнага пірага, які атрымаў распаўсюджванне ў Расіі і СНД — гэта шарлотка з яблыкамі. У ЗША яблычны пірог з’яўляецца адным з нацыянальных сімвалаў (у асаблівасці штата Віргінія), хоць цяпер яго рыхтуюць на аснове паўфабрыкатных каржоў.