Сумесь спалучэнне некалькіх рэчываў кожнае з якіх захоўвае свае хімічныя ўласцівасці Гнейс гетэрагенная цвёрдая сумесь м

Сумесь — спалучэнне некалькіх рэчываў, кожнае з якіх захоўвае свае хімічныя ўласцівасці.

Гнейс — гетэрагенная цвёрдая сумесь мінералаў.

У адрозненне ад рэчываў, сумесі не падпарадкоўваюцца закону пастаяннага саставу. Гэта значыць, што адносныя долі кампанентаў сумесі могуць змяняцца. Напрыклад, (сумесь вады і солі) можа мець розную канцэнтрацыю солі.

Гамагенныя і гетэрагенныя сумесі

Неаднародныя сумесі завуцца гетэрагеннымі. У такіх сумесях часткі розных рэчываў размяшчаюцца асобна, і іх лёгка адрозніць адна ад адной нават простым вокам ці з дапамогай мікраскопа. Прыклады гетэрагенных сумесей — граніт (прыкметна без павелічальных прылад) або кроў (выдзяляе асадак, можна разгледзець асобныя кампаненты пад мікраскопам).

Аднародныя сумесі завуцца гамагеннымі або растворамі. Хаця ў побыце растворамі звычайна называюць вадкасці, у навуковым кантэксце так могуць называцца таксама газы і цвёрдыя гамагенныя сумесі. Прыклады аднародных сумесей — паветра, сумесь вады з цукрам і г.д.

Адасабленне сумесей

Адасабленне пігментаў **хларафілу** з дапамогай храматаграфіі.

Кампаненты сумесей могуць быць адасобленыя фізічнымі і хімічнымі метадамі, што грунтуюцца на розных і хімічных уласцівасцях гэтых кампанентаў.

Напрыклад, дыстыляцыя дазваляе раздзяліць рэчывы з рознай тэмпературай кіпення шляхам выпарвання аднаго з кампанентаў (такога як вада ў салявым растворы). У сваю чаргу ^[en] грунтуецца на тым, што розныя рэчывы трымаюцца на цвёрдых паверхнях з рознай сілай, і дазваляе раздзяліць атрамант ці іншыя сумесі на кампаненты розных колераў.

Метадам можна адасобіць цвёрдыя кампаненты ад вадкасцяў. У сумесях з некалькімі цвёрдымі складнікамі, частку складнікаў можна перад гэтым растварыць з дапамогай хімічных рэакцый, ператварыўшы ў вадкасць. Напрыклад, крупінкі золата, змяшаныя з крупінкамі жалеза, можна апрацаваць кіслатой, якая растварае жалеза, але пакідае золата некранутым, а пасля фільтраваць. Пазней з дапамогай іншых хімічных рэакцый можна аднавіць жалеза з раствору да яго першаснага стану. Альтэрнатыўна, крупінкі жалеза можна было б аддзяліць і з дапамогай магніту, скарыстаўшы ўласцівасць магнетызму.

Гл. таксама

Раствор
Аб’ёмная доля

Крыніцы

Brown 2011, с. 10
Brown 2011, с. 13-14.

Літаратура

Theodore L. Brown et al. Chemistry: the central science. — 12th ed. — 2011. — ISBN 978-0-321-69672-4.

Спасылкі

На Вікісховішчы ёсць медыяфайлы па тэме Сумесь

[brown10-1] Brown 2011, с. 10

[FOOTNOTEBrown201113-14-2] Brown 2011, с. 13-14.